ಮತ್ತಾಯನು ಬರೆದ ಸುಸಂದೇಶಗಳು
ಯೇಸುಕ್ರಿಸ್ತರ ವಂಶಾವಳಿ
1 ಅಬ್ರಹಾಮನ ಮನೆತನಕ್ಕೆ ಸೇರಿದ ದಾವೀದ ಕುಲದ ಯೇಸುಕ್ರಿಸ್ತರ ವಂಶಾವಳಿ: 2 ಅಬ್ರಹಾಮನಿಗೆ ಇಸಾಕನು, ಇಸಾಕನಿಗೆ ಯಕೋಬನು, ಯಕೋಬನಿಗೆ ಯೂದನೂ ಅವನ ಸಹೋದರರೂ ಹುಟ್ಟಿದರು; 3 ಯೂದನಿಗೆ ತಾಮಾರ ಎಂಬವಳಿಂದ ಪೆರೆಸನೂ ಹಾಗೂ ಜೆರಹನೂ ಹುಟ್ಟಿದರು; 4ಪೆರೆಸನಿಗೆ ಹೆಸ್ರೋನ್, ಹೆಸ್ರೋನ್‌ನಿಗೆ ರಾಮ್‌, ರಾಮ್‌ನಿಗೆ ಅಮ್ಮಿನದಾಬ್‌, ಅಮ್ಮಿನಾದಾಬನಿಗೆ ನಹಸ್ಸೋನ್‌, ನಹಸ್ಸೋನನಿಗೆ ಸಲ್ಮೋನ್‌, 5 ಸಲ್ಮೋನನಿಗೆ ರಹಾಬ ಎಂಬವಳಿಂದ ಬೋವಜ್‌, ಬೋವಜನಿಗೆ ರೂತಳಲ್ಲಿ ಓಬೇದ್‌, ಓಬೇದನಿಗೆ ಜೆಸ್ಸೇಯ, 6 ಜೆಸ್ಸೇಯನಿಂದ ಅರಸನಾದ ದಾವೀದನು ಹುಟ್ಟಿದರು. ಅರಸನಾದ ದಾವೀದನಿಗೆ ಊರಿಯನ ಹೆಂಡತಿಯಿಂದ ಸೊಲೊಮೋನ್‌, 7 ಸೊಲೊಮೋನನಿಗೆ ರೆಹಬ್ಬಾಮ, ರೆಹಬ್ಬಾಮನಿಗೆ ಅಬೀಯ, ಅಬೀಯನಿಗೆ ಆಸನ್‌ ಹುಟ್ಟಿದರು. 8 ಆಸನನಿಗೆ ಯೋಸೆಫಾತ್‌, ಯೋಸೆಫಾತನಿಗೆ ಯೆಹೋರಾಮ್‌, ಯೆಹೋರಾಮನಿಗೆ ಉಜ್ಜೀಯ ಹುಟ್ಟಿದರು. 9 ಉಜ್ಜೀಯನಿಗೆ ಯೋತಾಮ್‌, ಯೋತಾಮನಿಗೆ ಆಹಾಜ್‌, ಆಹಾಜನಿಗೆ ಹಿಜ್ಕೀಯನು ಹುಟ್ಟಿದನು. 10 ಹಿಜ್ಕೀಯನಿಗೆ ಮನಸ್ಸೆ, ಮನಸ್ಸೆಗೆ ಆಮೋನ್‌, 11 ಆಮೋನನಿಗೆ ಯೋಷೀಯ ಹುಟ್ಟಿದರು. ಯೋಷೀಯನಿಗೆ ಯೆಕೊನ್ಯ ಮತ್ತು ಅವನ ಸಹೋದರರು ಹುಟ್ಟಿದರು. ಈ ಸಮಯದಲ್ಲೇ ಇಸ್ರಯೇಲರನ್ನು ಬಾಬಿಲೋನಿಗೆ ಸೆರೆ ಒಯ್ದದ್ದು.
12 ಬಾಬಿಲೋನಿನಿಂದ ಸೆರೆಹೋದ ದಾಸ್ಯ ದಿನಗಳು ಮುಗಿದ ಮೇಲೆ ಯೆಕೊನ್ಯನಿಗೆ ಸಲಥಿಯೇಲ್‌, ಸಲಥಿಯೇಲನಿಂದ ಜೆರುಬ್ಬಾಬೆಲ್‌, 13 ಜೆರುಬ್ಬಾಬೆಲನಿಗೆ ಅಬೀಹೂದ್‌, ಅಬೀಹೂದನಿಗೆ ಎಲ್ಯಕೀಮ್‌,; ಎಲ್ಯಕೀಮನಿಗೆ ಅಜೋರ್‌ ಹುಟ್ಟಿದರು. 14 ಅಜೋರನಿಗೆ ಸದೋಕ್‌,ಸದೋಕನಿಗೆ ಅಖೀಮ್‌, ಅಖೀಮನಿಗೆ ಎಲಿಹೂದ್‌, 15 ಎಲಿಹೂದನಿಗೆ ಎಲಿಯಾಜರ್‌, ಎಲಿಯಾಜರನಿಗೆ ಮತ್ತಾನ್‌, ಮತ್ತಾನನಿಗೆ ಯಕೋಬ್‌ ಹುಟ್ಟಿದರು. ಯಕೋಬನಿಗೆ ಮರಿಯಳ ಪತಿಯಾದ ಜೋಸೆಫನು ಹುಟ್ಟಿದನು. 16 ಈ ಮರಿಯಳಿಂದಲೇ "ಕ್ರಿಸ್ತ" ಎಂದು ಕರೆಯಲಾಗುವ ಯೇಸುಸ್ವಾಮಿ ಹುಟ್ಟಿದ್ದು.
17 ಹೀಗೆ ಒಟ್ಟು, ಅಬ್ರಹಾಮನಿಂದ ದಾವೀದನವರೆಗೆ ಹದಿನಾಲ್ಕು, ದಾವೀದನಿಂದ ಬಾಬಿಲೋನಿನ ದಾಸ್ಯದ ದಿನಗಳವರೆಗೆ ಹದಿನಾಲ್ಕು, ಬಾಬೆಲೋನಿನ ದಾಸ್ಯದ ದಿನದಿಂದ ಕ್ರಿಸ್ತನವರೆಗೆ ಹದಿನಾಲ್ಕು ತಲೆಮಾರುಗಳು.
ಯೇಸುಕ್ರಿಸ್ತರ ಜನನ
18 ಕ್ರಿಸ್ತಯೇಸುವಿನ ಜನನದ ಪ್ರಕರಣ: ಯೇಸುವಿನ ತಾಯಿ ಮರಿಯಳಿಗೂ ಜೋಸೇಫನಿಗೆ ನಿಶ್ಚಿತಾರ್ಥವಾಗಿತ್ತು. ಅವರಿಬ್ಬರೂ ಕೂಡಿಬಾಳುವದಕ್ಕೆ ಮುಂಚೆಯೇ ಮರಿಯಳು ಗರ್ಭವತಿಯಾಗಿರುವುದು ತಿಳಿದುಬಂತು. ಆಕೆ ಗರ್ಭ ಧರಿಸಿದ್ದು ಪವಿತ್ರಾತ್ಮ ಪ್ರಭಾವದಿಂದ. 19 ಆಕೆಯ ಪತಿ ಜೋಸೇಫನು ನೀತಿವಂತನು. ಮರಿಯಳನ್ನು ಅವಮಾನಕ್ಕೆ ಗುರಿಮಾಡುವ ಉದ್ದೇಶ ಅವನದಲ್ಲವಾದ್ದರಿಂದ ಯಾರಿಗೂ ತಿಳಿಯದ ಹಾಗೆ ನಿಶ್ಚಿತಾರ್ಥವನ್ನು ಮುರಿದುಬಿಡಬೇಕೆಂದಿದ್ದನು. 20 ಆತನು ಈ ಕುರಿತು ಆಲೋಚಿಸುತ್ತಿದ್ದಂತೆಯೇ, ದೇವದೂತನು ಕನಸಿನಲ್ಲಿ ಕಾಣಿಸಿಕೊಂಡು, "ದಾವೀದ್‌ ವಂಶದ ಜೋಸೆಫನೇ, ಮರಿಯಳನ್ನು ನಿನ್ನ ಪತ್ನಿಯನ್ನಾಗಿ ಸ್ವೀಕರಿಸುವುದಕ್ಕೆಅಂಜಬೇಡ. ಆಕೆ ಗರ್ಭಧರಿಸಿರುವುದು ಪವಿತ್ರಾತ್ಮ ಪ್ರಭಾವದಿಂದಲೇ. 21 ಆಕೆ ಒಬ್ಬ ಮಗನನ್ನು ಹೆರುವಳು. ಆತನಿಗೆ ನೀನು 'ಯೇಸು' ಎಂಬ ಹೆಸರಿಡಬೇಕು. ಏಕೆಂದರೆ ತನ್ನ ಜನರನ್ನು ಅವರ ಪಾಪಗಳಿಂದ ಉದ್ಧಾರಮಾಡುವವನು ಆತನೇ," ಎಂದನು.
22 "ಇಗೋ ಕನ್ಯೆಯೊಬ್ಬಳು ಗರ್ಭ ತಳೆದು
ಪುತ್ರನೊಬ್ಬನನ್ನು ಪ್ರಸವಿಸುವಳು
'ಇಮ್ಮಾನುವೇಲ್‌' ಎಂದು ಆತನಿಗೆ
ಹೆಸರಿಡುವರು"
ಎಂಬುದಾಗಿ ಪ್ರವಾದಿಯ ಮುಖಾಂತರ ಸರ್ವೇಶ್ವರ ಹೇಳಿದ ಪ್ರವಚನ ನೆರವೇರುವಂತೆ ಇವೆಲ್ಲಾ ಸಂಭವಿಸಿತು. 23 'ಇಮ್ಮಾನುವೇಲ್‌' ಎಂದರೆ 'ದೇವರು ನಮ್ಮೊಡನೆ ಇದ್ದಾರೆ' ಎಂದು ಅರ್ಥ. 24 ಆಗ ಜೋಸೆಫನು ಎಚ್ಚೆತ್ತು ದೇವದೂತನ ಆಜ್ಞೆಯ ಪ್ರಕಾರ ಮರಿಯಳನ್ನು ವಿವಾಹಮಾಡಿಕೊಂಡನು. 25 ಆದರೆ ಆಕೆಯೊಡನೆ ಶರೀರ ಸಂಬಂಧವಿಲ್ಲದೇ ಇದ್ದನು. ಆಕೆ ಗಂಡು ಮಗುವಿಗೆ ಜನ್ಮವಿತ್ತಳು. ಜೋಸೆಫನು ಆ ಮಗುವಿಗೆ ಯೇಸು ಎಂದು ನಾಮಕರಣ ಮಾಡಿದನು.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್‌ ಮಾಡಿ